"An apple a day keeps the doctor away, but if the doctor’s cute then forget the fruit."
Wednesday 20 June 2012
Why people ? Why ???
Bakit ang konti lang ng followers ko ?
I feel so alone. I need friends.
Is it too boring ?
Nonsense ?
What ?
I feel so alone. I need friends.
Sabagay hindi naman kasi ako inglesera tulad ng ibang blog.
Hehe. Pilipino ako at tagalog ang aking wika !! (palusot)
Pahingi ng followers..haha..(joke)
WeLcome followers.
More followers to come.
Girlfriend vs Boyfriend
At dahil sa babae ako ibibigay ko ang aking opinyon ukol dito.
Ang babae may pagka demanding talaga yan.
Gusto ko nito, gusto ko ng ganito.
Ang babae minsan ma pride at may isang salita.
Pag sinabi niya, sinabi niya. Ganun ako eh. Kaya lang minsan may negative din na epekto yun.
Kailangan din nating intindihin ang side ng mga lalaki kasi sa isang relationship dapat give and take.
Dapat alam din natin ang side ng mga lalaki, dapat naiintindihan din natin sila.
Ako kasi yung tipo ng girlfriend na pag may mali akong nakikita sa relationship namin, sinasabi ko agad yun sa boyfriend ko. Mas magandang mapagusapan ang mga bagay bagay para nagkakaroon ng linaw.
Mahirap kasi pag paiiralin mo ang pagdududa.
BUHAY ESTUDYANTE
Kapag ang teacher nag walk out...
Kadalasan mangyari ito lalo na pag muhing muhi na nag guro sa kanyang mga maiingay at pasaway
na mga estudyante. Yung tipong nakakailang saway at sigaw na ang kanyang nasasabi pero wa epek pa din.
Elementary Days... syempre pag nag walk out si teacher, kinakabahan ang lahat. Baka hindi na magturo ulit o kaya baka hindi na siya bumalik. Diyan papasok ang katahimikan na akala mo dinaanan ng libo libong anghel at biglang nagsi tahimik ang mga estudyante.
High School Days... pag nag walk out naman si teacher, nagsisisihan na ang lahat. Takot na baka parusahan dahil sobrang ingay. Nagsisisihan kung sino ang naging pasimuno sa ingay na yon. Natatakot na baka madamay ang lahat pag pinagalitan ang kung sino man ang maingay.
College Days... eto yung days na mag walk out man si prof eh okay lang. Pa attendance ka lang par makasiguradong present ka sa araw na yon sabay alis. Gawain ko din yan. :)) Syempre ano pang gagawin ko eh wala na nga yung prof. Syempre pa attendance na lang ako para sure ako na hindi ako ma aabsenan sa araw na yon. :)) Mautak toh eh.
Pero syempre bilang estudyante isipin din natin kung ano nga ba ang nararamdaman ng ating teacher everytime na mag w-walkout siya. Maging concern tayo. Mahirap magturo sa isang klase na sobrang pasaway. Mahirap pagsabayin ang pagtuturo at pagsasaway. Tao lang din naman sila. Nasasaktan din at pag nauubos ang pasensya minsan nag w-walkout na lang.
Monday 18 June 2012
10 ways to Survive in College.
1. Pumasok sa first day of class. Wag mong isipin na first day naman, baka wala ring gawin. Essential ang first day ng College. Kung ayaw mong mamulala sa mga susunod na araw, pasukan mo to. Eto ang araw na maghahanap ka ng rooms, subjects at may mga ilang prof na magpapakilala na, may mga istriktong prof na nagagalit sa mga estudyante na wala sa unang araw, kaya babala.
2. Huwag susugod sa giyera ng walang dalang armas. Huwag na huwag kakalimutan ang pinakaimportanteng gamit ng isang college student: ang Ballpen. Kung nung highschool ay puno ang bag mo ng 9 na notebooks, pencil case, crayons, pantasa, gunting, libro. Sa college, Ballpen at binder lang ang tanging kelangan mo. Ay, isa pa pala wag na wag kang magpapawala ng yellow pad. Dahil kung problema sa highschool days ang papel, ganito rin sa college. Para mabawasan ang mga buraot sa mundo, simulan mo na ng pagkukusa, Magdala ka. tatlo dos lang ang yellowpad sa tindahan nila Aling Idad.
3. Mag take-down notes. Para diyaan ang ballpen at binder na dala mo. Wag gawing palamuti sa bag. Gamitin. Wag tumunganga sa prof, isulat habang nakikinig. Wag mong gayahin yung mga naggagaling galingan na nakaprente lang sa prof dahil sila rin ang mga taong nagkukumahog manghiram ng notes kapag may nagaganap na pop quiz.
4. Maghanap ng tambayan/aralan. Hindi naman maghapon ay nasa loob ka ng classrooms. May break din, kaya kung malapit ang bahay o may dorm na tinutuluyan, doon nalang tumuloy para iwas gastos. Kung malayo ay maghanap ng mura at komportableng lugar na matatambayan, pwedeng doon ka na rin mag-review kung gusto mo.
5. Unahin ang mga subject na nahihirapan ka. Kung nahihirapan ka man sa isang subject (o dalawa o tatlo) Yun ang unang pagtuunan ng pansin, at pag-aralan. Siguraduhing, fresh at nasa huwisyo ang utak pag pag-aaralan para hindi sayang ang oras at effort mo dahil kung nagrerebyu ka ng wala sa mood ay walang papasok sa utak mo. Kung nahihirapan ka talaga, maghanap ka ng taong marunong sa subject na yun at magpaturo.
6. Maki-mingle, single man o hindi. Makipagkilala sa ibang tao. Pwera nalang kung loner ka at mas gusto mong mag-isa, pero kung hindi, makipag socialize ka. Maghanap ng kaibigan na totoo at laging maasahan. Yung nandyan kahit anong panahon. Wag yung parasite na magaling lang sayo pag mabango ka. Wag kakaibiganin ang mga alam mo namang wala kang mapapala, kung gusto mong makatapos ng pag-aaral. Pumili ng tamang kaibigan.
7. Be yourself. Oo, ang gasgas na linyang be yourself. Be yourself, unless you’re a loser be someone else. Dejoke. Wala kang mapapala kung magpapanggap kang bilang ibang tao. Maaring magustuhan ka nila pero hindi bilang ikaw kungdi ang pinagpapanggap mo. Mas magandang magustuhan ka ng mga tao bilang sarili mo at di sa ini-impersonate mong tao.
8. “Maging estudyante ng iyong paaralan” Gamitin mo naman ang resources sa school na iyong pinapasukan. Bisitahin paminsan-minsan ang library, computer labs etc. Kausapin ang mga prof na nakikita mo outside campus, wag lang sisipsip. Wag yung pumapasok ka lang sa school at sa classroom lang ang alam mo. Parang bansa lang din yan na tinitirhan mo. Mahalin ang eskwelahan.
9. Magbigay ng oras para sa pag-aaral. Para maiwasan ang cramming tuwing exams, maglaan ng oras para sa pag-aaral. Yung mga panahong wala ka namang ginagawang produtikbo ay magbasa basa ng notes. Mas maganda ang may schedule, kung hindi every weekends okaya naman tuwing gabi bago ka matulog. Iwasan ang caffeinated drinks e.g kape, softdrinks, energy drink bago o pagkatapos mag-aral.
10. Maglaaan ng oras para sa sarili. Hindi rin namang magandang puro aral aral na lang. Baka masiraan ka ng bait kapag ganun. Magkaroon din ng oras para sa recreation. Wag lang din yung sobra. Maglibang paminsan-minsan pero siguraduhing tapos na ang lahat ng gawain para maiwasan ang paghahabol.
Eros S. Atalia 1
“‘Paano mo malalaman kung hindi ka magtatanong? Pero andami-dami nating nalalaman kahit hindi tayo nagtatanong. Paano ka pa magtatanong kung alam mo na ang sagot? Pero paano ka magtatanong kung hindi mo alam kung ano ang iyong itatanong? Paano mo sasagutin ang tanong sa iyo kung hindi mo alam ang isasagot? Paano ka sasagot kung hindi mo alam ang itatanong. Kungsabagay, sa buhay na ito, madalas, tama ang sagot, mali nga lang ang tanong.”
| — | Eros S. Atalia, Ligo na u, Lapit na me |
Saturday 16 June 2012
Subscribe to:
Posts (Atom)